გსმენიათ ზეზვას და მზიას შესახებ? ისინი არიან პირველი ევროპელები საქართველოდან, კონკრეტულად კი დმანისიდან. დმანისი შუასაუკუნეების ქალაქია, რომელიც თბილისიდან სამხრეთით 85 კმ-ში მდებარეობს.
ადამიანების ადრეული სამარხები აქ 1991-2005 წლებში აღმოაჩინეს. ექსპერტების აზრით, ნაშთები 1.8 მილიონი წლისაა. აღმოჩენილი ექვსი ნაშთიდან ორს ზეზვა და მზია დაერქვა და მოხდა მათი მიახლოებითი სახის რეკონსტრუქცია. როგორც ჩონჩხები მიუთითებს, დმანისელი ჰომინიდები დაახლოებით 1.4 მეტრის სიმაღლის იყვნენ, მათ ფეხები ბევრად უფრო განვითარებული ჰქონდათ, ვიდრე მკლავები, რაც აჩვენებს, რომ ისინი კარგი მორბენლები იყვნენ.
მეცნიერების გადაწყვეტილებით, წყვილს ეწოდა „პირველი ევროპელები“, რადგან მათი ნაშთები უძველესია ევროპაში. დმანისში, ასევე აღმოჩენილ იქნა ქვის ხანის ნაშთები, რომლებიც, სავარაუდოდ ქვედა პალეოლითის ხანიდან ნეოლითის ხანამდე პერიოდს მიეკუთვნება. აღნიშნული აღმოჩენების შემდეგ მეცნიერებმა საქართველო დაასახელეს დედამიწაზე პირველ რეგიონად, რომელიც ადამიანის პირველ სახეობებს ასახავს და საიდანაც დაიწყო ადამიანების განსახლება ევრაზიის სხვა ტერიტორიებზე.
ტურისტებს და ნებისმიერ დაინტერესებულ პირს ზეზვას და მზიას გაცნობა დმანისის მუზეუმში შეუძლიათ.
დმანისის ტერიტორია დაახლოებით 13 000 კვ.მ-ია, თუმცა გამოკვლეული მისი მხოლოდ მცირე ნაწილია. არქეოლოგიური გათხრების ტერიტორიას ამჟამად ღია მუზეუმის სახე აქვს და ის ტურისტებისთვის მარტიდან ნოემბრამდეა ღია.
TourEast Georgia პირველი ტურისტული კომპანიაა შიდა ქართლში, რომელიც ქართველ და უცხოელ ტურისტებს დმანისის და, ზოგადად, ამ რეგიონის აღმოჩენაში ეხმარება. ჩვენ გაჩვენებთ, ისეთ ადგილებს, რომლებსაც ძალიან ცოტა თუ იცნობს.
აღმოაჩინეთ საქართველო ქვემო ქართლიდან!